A GUARDA

O BNG DENUNCIA QUE ROBERTO CARRERO MINTE CANDO DI QUE O COMERCIO LOCAL DA GUARDA CRECE 

•  O alcalde afirmou en distintos medios de comunicación,  que o comercio local medrou un 52,8% nos últimos 3 anos 

•  Segundo datos do INE neste período perdéronse  20 negocios  

Integrantes do Grupo municipal do BNG no Concello de A Guarda

Foto: G.M.BNG

Infogauda / A Guarda

 Desde o Grupo municipal do Bloque Nacionalista Galego (BNG) de A Guarda, veñen de facer pública unha nota de prensa na que afirman: “Segundo os datos publicados polo  INE (Instituto Nacional de Estatística), o sector do comercio, hostalaría e transporte na Guarda,  pasou de 289 negocios no ano 2023 a 269 no ano 2025. Neste período de tempo perdéronse polo tanto 20 negocios. Pese aos datos oficiais, o alcalde, non tivo reparo en  afirmar que nos tres últimos anos o comercio local medrou  un 52, 85%”. 

 Anxo Lois Baz Vicente, portavoz municipal do BNG  manifestou “o alcalde, despois de  mentirlle a todos os guardeses e guardesas, aínda tivo a descaro de gabarse de que  o  florecemento da actividade comercial, se debía  ao traballo de promoción realizado por el e o seu equipo. A realidade é que  o sector do comercio sofre o abandono deste  goberno municipal que carece de ideas e vontade para poñer en valor o comercio  local, demostrando no día a día   a súa incapacidade para  sacar adiante iniciativas que contribúan a dinamizalo”. 

 O nacionalista concluíu decindo “Roberto Carrero está instalado nunha campaña de  propaganda permanente, que o leva a tomar por parva á veciñanza, manipulando datos e mentindo, co único obxectivo de   agochar a súa incompetencia e falta de traballo que lle impiden  gobernar A Guarda con un mínimo de  criterio”.