A GUARDA

Unhas 40 persoas con discapacidade realizaron a primeira etapa do Camiño Portugués pola Costa  

• O grupo, formado por catro entidades diferentes, partiu desde o porto de A Guarda 

 

A concelleira de Igualdade e Voluntariado, Susana Álvarez Castro estivo cos integrantes do grupo antes da súa saída desde A Guarda  para realizar parte da primeira etapa do Camiño Portugués pola Costa

Foto: C.A.G.

Infogauda / A Guarda

 Na mañá deste venres, 7 de novembro de 2025, un grupo dunhas 40 persoas con discapacidade partiron desde o porto de A Guarda para realizar parte da primeira etapa do Camiño Portugués pola Costa.  

 A concelleira de Igualdade e Voluntariado, Susana Álvarez Castro, foi darlles a benvida aos participantes e axudalos cos últimos preparativos. Os integrantes do grupo de peregrinos estaban cheos de enerxía e con moitas ganas de desfrutar das fermosas paisaxes deste camiño. Ademais, durante o seu percorrido recollerán o lixo que atopen, concienciando ao resto de cidadáns da importancia de coidar o medio ambiente.  

 As entidades que participan nesta ruta son Aceesca do Porriño; o Centro Residencial Ocupacional Esclavas de la Virgen Dolorosa de Mos e o de Crecente; e o Centro Juan María, de Nigrán.  

 Bo camiño!