GONDOMAR

"A ruta do terror no Val de Miñor". (Mes da Memoria 2025) 

•  Conferencia de Xosé Lois Vilar Pedreira, e acompañamento musical de Su Garrido Pombo. 

•  Este martes, 14 de outubro, ás 20:00 horas, na Aula de Cultura Ponte de Rosas (Avda. da Feira, 10 - Gondomar)

IEM / Gondomar

 O Instituto de Estudos Miñoráns abre o seu "Mes da Memoria, 2025" cun faladoiro no que Xosé Lois Vilar Pedreira, vicedirector do IEM e recoñecido historiador especializado en Memoria Histórica, disertará sobre "A ruta do terror no Val de Miñor". 

 Estará acompañado neste acto pola voz, a guitarra e a música de Su Garrido Pombo. 

 Este faladoiro, que conta coa colaboración da Deputación de Pontevedra a través do seu programa Culturea, terá lugar este martes, 14 de outubro, a partir das 20:00 horas, na Aula de Cultura Ponte de Rosas (Avda. da Feira, 10 - Gondomar).   

 A programación deste "Mes da Memoria 2025" terá continuidade cos habituais actos de homenaxe nos cemiterios de Sabarís e Baiona, así como no monumento da Volta dos 9, en Baredo.