DEPORTES

FÚTBOL

1ª Autonómica Grupo 6

O SPORTING GUARDÉS RECIBIRÁ AO ATLÁNTIDA MATAMÁ

• Este domingo, 26 de outubro, ás 12:00 horas, no Estadio Municipal A Sangriña

Ricardo Rodríguez Vicente / A Guarda

 Logo de vencer (3-0), na Sangriña, ao UDC Vilaboa, na xornada 6ª, e impoñerse (2-4) o domingo pasado ao Goián C.F.; o Sporting Guardés recibirá ao Atlántida Matamá. 

 Será este domingo, 26 de outubro, ás 12:00 horas, no Campo Municipal A Sangriña.

 O equipo visitante, líder provisional da clasificación e invicto, chegará á vila do Trega co lóxico propósito de levarse para Vigo os tres puntos en xogo. 

 Pola súa banda, o equipo de A Guarda, situado no terceiro chanzo da táboa clasificatoria, contabiliza 16 puntos - 5 menos que o Atlántida Matamá, que ten 21 - e vai procurar que os puntos queden na nosa vila.

 Vai ser, con toda probabilidade un encontro de poder a poder, no que os afeccionados de cadanseu equipo van alentar aos xogadores ao máximo. 

 Non cabe dúbida que o partido ten todos os alicientes para que os seareiros guardesistas decidan acudir ao Campo Municipal da Sangriña e apoiar ao máximo ao conxunto local. Un partido como ese ben o merece.