TOMIÑO

Cambio de directiva en Protección Civil de Tomiño 

• O novo xefe do servizo é Alexandre Vázquez, seguido de Braian Piñeiro (subxefe)

A alcaldesa e parte do equipo de goberno do Concello de Tomiño, vén de reuinirse coa nova directiva de Protección Civil de Tomiño

Foto: C.T.

Infogauda / Tomiño

 Parte do equipo de goberno do Concello de Tomiño reuniuse coa nova directiva de Protección Civil de Tomiño para coñecer de primeira man os seus proxectos e necesidades. Durante o encontro,  quixeron expresar o seu agradecemento a Iván e Elsa (directiva saínte)  polo gran traballo realizado ao longo destes anos, demostrando un forte compromiso coa seguridade e o benestar da veciñanza. 

 Así mesmo, os representantes do goberno local,  desexaron moita sorte á nova directiva nesta etapa que se inicia, “confiando en que seguirán facendo unha labor exemplar en beneficio de toda a comunidade”. 

 Forman a nova directiva as seguintes persoas e cargos:  Alexandre Vázquez, xefe da agrupación; Braian Piñeiro, subxefe da agrupación; Juan José Rodríguez, secretario; Ismael Silva, tesoureiro; Carlos Pereira e Víctor Murga, vogais da agrupación.