OIA

VOLUNTARIADO AMBIENTAL 

1.000 NOVOS CARBALLOS PARA A SERRA DA GROBA 

• Plantación no Parque Forestal do Valdarca – Oia 

Infogauda / Oia

 O sábado 01 de marzo a Comunidade de Montes Veciñais en Man Común de Santa María de Oia xunto ca Asociación Forestal e de Educación Ambiental A Jalleira, organizan unha xornada de voluntariado ambiental no monte veciñal de Santa María de Oia. 

 Nesta ocasión a xornada consistirá na plantación de 1.000 carballos do país (Quercus robur) no Parque Forestal do Valdarca. 

 A xornada comezará ás 10:00h, o punto de encontro será na Casa do Valdarca (Casa forestal de Oia). 

 Ó remate haberá uns petiscos e bebidas para todos/as os/as participantes da xornada. 

Infórmate e inscríbete en ajalleira@gmail.com