A GUARDA

Beléns, prazas decoradas e alfombra festiva para as datas do Nadal

Artística nadaliña feita por persoas da Asociación Cultural Alfombras da Guarda, que pode admirarse na planta baixa da Casa dos Alonso

Vista do belén articulado, ideado, creado e realizado por Genaro Alonso Martínez, que pode admirarse na Casa dos Alonso 

Fotos: Infogauda

 

Infogauda / A Guarda

 Xa se vive o Nadal nas rúas da Guarda. A parte da iluminación festiva, diferentes prazas da vila contan con decoración especial grazas ao labor das diversas asociacións guardesas.

 O Concello de A Guarda invita á veciñanza e visitantes, a facer un percorrido polos beléns que veciños e veciñas montaron por toda a xeografía guardesa. 

 A Casa do Concello conta tamén cunha decoración moi especial grazas ao artesán Genaro Alonso Martínez, que montou un ano máis, seu Belén articulado, e  á Asociación Cultural Alfombras da Guarda que realizaron un traballo espectacular para celebrar estas datas.  

 Desde o Concello agradecen a todas as asociacións, veciños e veciñas que colaboraron para que na Guarda se viva o Nadal.