PONTEVEDRA

Día Internacional contra a Violencia contra as Mulleres

Manifestación da Secretaría das Mulleres da CIG

• O luns, 25 de novembro de 2024, ás 12:15 horas, na praza da Peregrina (Pontevedra)

Infogauda / Pontevedra

 A Secretaría das Mulleres da CIG desenvolverá este 25 de Novembro, Día Internacional contra a Violencia contra as Mulleres, unha manifestación en Pontevedra, que arrincará da biblioteca pública Antonio Odriozola ás 12:00 horas e rematará arredor das 12:15 na Praza da Peregrina, onde se dará lectura a un comunicado e se atenderán os medios de comunicación.  

 Previamente, entre as 10:00 e as 12:00 horas, delegadas da central sindical de todo o país celebrarán na biblioteca un Encontro Nacional de Mulleres da CIG no que, entre outras cuestións, o Gabinete Técnico Confederal ofrecerá unha palestra sobre identificación e actuación ante as violencias no traballo.  

 Esta xornada de loita e de formación fai parte da compaña posta en marcha pola Secretaría das Mulleres da central sindical coincidindo co Día Internacional contra a Violencia contra as Mulleres para esixir a erradicación de toda forma de violencia machista.