A Agrupación Musical de A Guarda levará a música a Camposancos
• Este sábado, 5 de outubro, ás 18:00 horas, na Casa da Comunidade de Montes de Camposancos
Continúan os Concertos nas parroquias, 2024. Unha iniciativa da Agrupación Musical de A Guarda, en colaboración co Concello de A Guarda.
Dese xeito, a banda de música da Agrupación Musical de A Guarda vai ofrecer un novo concerto, que terá lugar este sábado, 5 de outubro, ás 18:00 horas, na Casa da Comunidade de Montes de Camposancos.
Achegar a música a toda á cidadanía, desde os máis noviños ata as persoas maiores, é un dos obxectivos dos Concertos nas parroquias, 2024.
A música é unha arte que vai parella á humanidade ao longo dos tempos.
E a música ten nome de muller. Por sorprendente que pareza, sabemos que a primeira compositora - que viviu deica o 2.300 a. C. -, chamábase Enheduanna.
Mulleres e homes, mozos e maiores, temos na música unha das mais fermosas expresións culturais.
Apoiemos a banda de música da Agrupación Musical de A Guarda.
.jpeg)
Ningún comentario:
Publicar un comentario