O ROSAL

“Móllate polos ríos” 

O PROXECTO RÍOS COORDINA A XVII LIMPEZA SIMULTÁNEA DE RÍOS EN 56 CONCELLOS DE TODA GALIZA 

• A Asociación Forestal e de Educación Ambiental “A Jalleira” en colaboración co Concello do Rosal e ca asociación ADEGA, realizará a coordinación da limpeza no tramo apadriñado pola nosa asociacion no río Tamuxe

Asociación “A Jalleira” / O Rosal 

 A XVII Limpeza Simultánea “Móllate polos ríos” celebrarase este ano en 56 concellos de toda Galiza, e participarán máis de 70 entidades (asociacións, concellos, colectivos ecoloxistas, centros de ensino…). A limpeza será o 29 de setembro e mobilizará a numerosos voluntarios e voluntarias que se desprazarán aos ríos destes concellos para deixalos libres de lixo, nunha xornada de voluntariado ambiental e concienciación social. 

 A Asociación Forestal e de Educación Ambiental “A Jalleira” en colaboración co Concello do Rosal e ca asociación ADEGA, realizará a coordinación da limpeza no tramo apadriñado pola nosa asociacion no río Tamuxe. O punto de encontro será no Muiño das Aceñas ás 09:45h. 

Ubicación do Muíño das Aceñas. 

 A actividade está aberta a todos os públicos. 

 Todas as persoas interesadas en participar poderán inscribirse enviando un correo electrónico a: ajalleira@gmail.com