A GUARDA

Teatro Foro na Guarda 

O domingo 22 de setembro as 18:00 horas, no Centro Cultural de A Guarda  

Infogauda / A Guarda

 A asociación FOCO comeza o curso con teatro. Por iso, este domingo 22 de setembro, ás 18:00 horas, no Centro Cultural de A Guarda, presentarán unha breve peza de teatro foro que inclúe actividades teatrais e de improvisación.  

 Esta actividade está destinada e restrinxida a xente de entre 15 e 25 anos.  

 Esta obra é parte do proxecto Foro Novo do Baixo Miño.   

 FOCO é unha asociación con sede na Guarda (Pontevedra), fundada por persoas procedentes de diferentes ámbitos que pretende facer avanzar o campo da educación non formal mediante proxectos formativos e creativos e iniciativas innovadoras.  

 Os principais obxectivos da organización son:  

 Cooperar con outras organizacións en España e Europa para promover a inclusión social, a creatividade, as artes, a cultura, a cidadanía activa, o respecto á diversidade e outros valores cívicos. 

 Ofrecer oportunidades de formación para o desenvolvemento de competencias, o compromiso cívico, a promoción de valores sociais e outros. 

 Promover actividades e proxectos que sigan os principios de calidade, relevancia, utilidade e dinamismo.