DEPORTES

 ATLETISMO 

EMILIA RODRÍGUEZ BAZ (MILU), LOGROU UN 2º POSTO NA PROBA DE 3.000 METROS MARCHA

No Campionato de España Clubs de 1ª división

Emilia Rodríguez Baz (Milu), co trofeo que logrou na proba de 3.000 metros marcha, do Campionato de España Clubs de 1ª división, celebrado en Eivissa

Podio por equipos, no que o Club de Atletismo Sada - á der. - conseguiu a terceira posición como o terceiro mellor club Master de España

Redacción Deportes / A Guarda

 A pasada fin de semana, a atleta Emilia Rodríguez Baz (Milu), estivo en Eivissa, onde o domingo 9 de xuño se celebrou o Campionato de España Clubs de 1ª división. 

 No devandito evento deportivo, o equipo feminino do Club de Atletismo Sada loitou pola súa permanencia por cuarto ano consecutivo nesa liga.  

 Mili Rodríguez comezou a proba de 3.000m Marcha ás 10 da mañá, finalizándoa nun segundo lugar cun tempo de 16’47”10 e conseguindo os 6 puntos para o cómputo do Club de Atletismo feminino  Sada.  

 Coa suma de puntuación de todas as probas, o Club de Atletismo Sada conseguiu a terceira posición como o terceiro mellor club Master de España.