O Corno, que acadou a Concha de Ouro en San Sebastián e un Premio Goya, no cineclub Poleiro
• O xoves 7 de marzo, ás 20:30 horas, no auditorio de Goián
Rita Alonso / Goián
Este xoves, 7 de marzo, ás 20:30 horas, no auditorio de Goián, proxectarase O Corno dirixida por Jaione Camborda.
Con poucas palabras, moitos detalles, un tema como a natalidade e o aborto nunha sociedade agobiante para a muller, a directora Jaione Camborda tece un drama moi coidado en canto á realización técnica e artística, dende a primeira secuencia, un parto.
Un drama ambientado nos anos 70 na Illa de Arousa que conta a historia dunha mariscadora que axuda nos partos. Un suceso inesperado pon patas arriba a súa vida. Algo se torce e ten que fuxir a Portugal polas rutas dos contrabandistas.
Premios
Concha de Ouro no Festival de San Sebastian.
Premio Goya 2024 á mellor actriz revelación, á Janet Novás, bailarina do Porriño.
Ninjababy
O xoves 4 de abril, Ninjababy dirixida por Yngvild Sve Flikke.
Scarlet
O xoves 9 de maio chegará Scarlet, dirixida por Pietro Marcello. Un drama romance que conta a historia dunha nena apaixoada pola música que agarda que se cumpra unha profecía que a levará lonxe. Adapta unha novela gráfica.
Pechará o ciclo, o 6 de xuño, unha comedia dramática multipremiada, a finlandesa Fallen Leaves, de Aki Kaurismäki. Aborda o emprego a soedade, e o alcoholismo nunha particular relación de parella.
As proxeccións son ás 20:30 no Auditorio de Goián.
Ningún comentario:
Publicar un comentario