CAMPOSANCOS (A GUARDA)

A ENTIDADE LOCAL MENOR DE CAMPOSANCOS HONRARÁ DE NOVO Á MULLER, NO DÍA DO 8M

As imaxes corresponden á edición de 2023, da conmemoración do Día Internacional da Muller 

Mª Mercedes Martínez Vázquez* / Camposancos

 A Entidade Local Menor (E.L.M.) de Camposancos co apoio do grupo veciñal de todos os anos vai celebrar o Día da Muller proxectando en madeira escenas cotiás da muller de onte. Estas escenas estarán ubicadas no Palomar e na fonte, e o pequeno parque situado preto da Sociedade Os Amigos (Casino) de Camposancos. 

 O noso lema este ano será: “A todas as mulleres que en silencio construíron á Historia”. 

 Novamente a E.L.M. de Camposancos e o grupo de veciñas/os queremos poñer por diante a invisibilidade da muller nos tempos das nosas nais e avoas, e a visibilidade que queremos ter da muller de hoxe. 

 A representación das figuras estará preparada para desfrute de visitantes e de quen queira velas a partires do día 6 de marzo. 

* Alcaldesa - pedánea da Entidade Local Menor de Camposancos.