A PLATAFORMA EN DEFENSA DA SANIDAD PÚBLICA DE TOMIÑO DENUNCIA Á "CAÓTICA SITUACIÓN DO CENTRO DE SAÚDE"
• E convoca unha concentración, para este xoves, 14 de decembro, ás 11:00 horas, diante do Centro de Saúde, de Tomiño
Infogauda / Tomiño
Nun comunicado feito público na tarde de hoxe, a Plataforma en defensa da Sanidade Pública de Tomiño afirma o seguinte:
“A situación do noso centro de saúde é absolutamente caótica, insostible, intolerable e inadmisible. No día de hoxe, 3 médicos está intentando facer o traballo de 8, pero o nivel de saturación xa desbordou. Todas as facultativas teñen ás axendas bloqueadas e non hai citas para o que queda de decembro nin para xaneiro. Se enfermamos, temos que ir por Urxencias. E por si isto fora pouco, mañá xoves, tan só haberá un médico en Tomiño para toda a veciñanza.
Por todo isto a Plataforma en defensa da Sanidade Pública en Tomiño concentrarémonos este xoves, 14 de decembro, ás 11:00 horas, diante do Centro de Saúde.
Acude, participa e berra con nós. A sanidade é o noso dereito, pero tamén é a nosa obriga defendela.
Contamos contido, contamos con todas/os.
Lembra, este xoves, ás 11:00h. no Centro de Saúde de Tomiño”.
Ningún comentario:
Publicar un comentario