DEPORTES

ATLETISMO

Álex Sierpes Pereira bate a marca absoluta de Galicia de milla

•  Nos Campionatos Nacionais de Milla en Estrada 2026, celebrados na freguesía de Eiras (Coimbra) Portugal

Álex Sierpes Pereira co trofeo logrado nos III Campionatos Nacionais de Milla en Estrada de Portugal 2026

Foto: Cedida

Redacción Deportes / A Guarda

 Álex Sierpes Pereira, atleta júnior do Vicky Foods Athletics (Valladolid), adestrado no grupo da Sociedade Atlética do Trega (Tomiño), bateu a marca absoluta de Galicia de milla (1.609 metros) en Coimbra (Portugal). 

 O guardés abriu a tempada de roteiro 2026 competindo nos III Campionatos Nacionais de Milla en Estrada de Portugal 2026, que vén de celebrarse o sábado día 18 de abril, na freguesía de Eiras (Coímbra), onde logrou as mellores plusmarcas Sub20, Sub23 e absoluta nunha mesma carreira. Entrou en meta por diante do primeiro portugués - Tiago Machado (do club Sport Lisboa e Benfica) -, con claridade, e detivo o cronómetro en 4'15''45. Con este rexistro, subiría ao podio en recentes campionatos nacionais absolutos tanto de Portugal como de España en milla. 

 Este resultado súmase aos seus rexistros en categorías inferiores, onde conta con marcas salientables galegas e de España: Sub14 en 1.000 metros en roteiro (2'57''), Sub16 en 1.000 metros en roteiro (2'40''), Sub16 en milla (4'37'') e Sub18 en milla (4'24''), alén da marca de España de milla en roteiro Sub18 con 4'13''60 e tamén a marca de España Sub18 en pista cuberta en 1.500 m (3'47''97) estes dous últimos conseguidos nos meses de novembro e decembro, de 2025, entre outros moitos máis que posúe. 

 Poucos poden presumir de chegar aos 17 anos ao cume deixando un pasado exhaustivo por categorías inferiores. ‎