CAMPOSANCOS (A GUARDA)

RECOÑECEMENTO AO CLUB DE PETANCA O CALDEIRO  

• Recaeu este ano no noso presidente, Andrés Mirás Bascoy

Andrés Mirás Bascoy - 2º pola der. -, presidente do Club de Petanca O Caldeiro, logo de serlle entregada a insignia de prata da Federación Galega de Petanca

Insignia de prata da Federación Galega de Petanca, entregada ao presidente do Club de Petanca O Caldeiro

Club de Petanca O Caldeiro / Camposancos

 O pasado 16 de decembro, tras a celebración da Asemblea Xeral Ordinaria da Federación Galega de Petanca, tivo lugar o acto de entrega da insignia de prata da Federación. 

 Recaeu este ano no noso magnífico representante, o noso presidente, Andrés Mirás Bascoy. Recoñécese así, na figura do noso presidente, os méritos que fan ao noso club merecedor da devandita insignia: 

• As instalacións do club e o seu estado de conservación.

• O número de torneos realizados ao longo do ano. 

• As actividades de fomento da petanca no Baixo Miño, realizadas en concellos como O Rosal, Tomiño, Oia e A Guarda. 

 Este recoñecemento vén dar valor ao esforzo do equipo que dirixe o noso club, como á alta participación das socias e socios de O Caldeiro, ao longo dos últimos 6 anos.