UN BELÉN A TAMAÑO NATURAL CENTRA O NADAL CAMPOSINO
• Foi montado no eirado da Casa da Comunidade de Montes Veciñais en Man Común de Camposancos
José Fernando Martínez Martínez* / Camposancos
No eirado da casa cultural da Comunidade de Montes Veciñais en Man Común de Camposancos, e de xeito totalmente artesanal, os compañeiros de xunta reitora Gloria Portela Loureiro, Eduardo Alonso Rodríguez e Mario Baró Pereira, axudados por Manuela Villaverde, Nicasia Alfonso, Felicita Bautista e Benito Cividanes, montaron o belén.
O pendello construíse con 20 palets de táboas, e o teito e o solo, con palla. As figuras de San Xosé, a Virxe María e o Neno, a tamaño natural, son obra de Gloria Portela. Esta compañeira foi a ideóloga e deseñadora de todo conxunto; Eduardo Alonso (Chiño), o constructor; e Mario Baró, o axudante.
Onte as oito do serán, coa beizón do párroco Ángel Soliño Fernández, acendemos e bendecimos o presebe.
E a continuación, o Coro Cantabile, dirixido por Avelino Ferreira López, ofreceu un maxistral concerto no salón de actos da Casa Cultural de Montes de Camposancos.
* Presidente da xunta reitora da Comunidade de Montes Veciñais en Man Común de Camposancos.
Ningún comentario:
Publicar un comentario