XI CARREIRA SOLIDARIA POLA ESCLEROSE MÚLTIPLE - 10 Km
• O 29 de outubro, ás 11:00 horas, na Alameda de Bouzas (Vigo)
Javi / Vigo
Se es de Vigo ou preto, seguro que coñeces a “XI CARREIRA SOLIDARIA POLA ESCLEROSE MÚLTIPLE”. A de Bouzas.
Esta carreira organízana coa suor da súa fronte (pódoche asegurar que de forma literal) as mozas e mozos de AVEMPO, e xa van 11 edicións. Nada mal!
Para eles a carreira supón unha achega importante para a asociación, para seguir axudando aos afectados de Esclerose Múltiple e as súas familias.
Admiro a calquera organizador que fai os seus eventos a pulmón, case sen apoio económico. É como saltar en paracaídas e confiar que se abra, os nervios están aí.
Dito isto, a Carreira Solidaria da Esclerose Múltiple está no calendario de VigoRunning.com. E é unha carreira asociada.
O prezo da inscrición xeral para a carreira de 10Km é de 12€.
Aquí tí pagas 10€ e vigorunning.com pon 2€.
Ti pagas menos, eles reciben o mesmo.
A XI CARREIRA SOLIDARIA POLA ESCLEROSE MÚLTIPLE é o 29 de outubro, e pódesche inscribir xa aquí para a distancia de 10 Km.
Ningún comentario:
Publicar un comentario