HOCKEY LIÑA
Fase Final da Liga Galega de Hockey Liña en Vigo
O vindeiro domingo día 26 de xuño, no pavillón de Castrelos
Informa: Miguel Fernández Lomba
O vindeiro domingo día 26 de xuño viviremos toda a emoción da Fase Final da Liga Galega de Hockey Liña en Vigo, o pavillón de Castrelos acollerá os Playoffs polo título autonómico nas categorías Infantil e Xuvenil.
Este evento está organizado polo Federación Galega de Patinaxe e os Clubes Vigo Blue Ringed e A Guarda Hockey Liña. Sobre a pista da cidade olívica os mellores xogadores e xogadoras da disciplina chegados de toda Galicia xogarán o todo polo todo por acadar o título de Campión Galego de Hockey Liña.
Os partidos disputaranse durante todo o día a partires das dez da mañá; e isto non é todo, xa que o sábado 9 de xullo a Liga Galega repite ubicación para a disputa dos Playoffs das categorías senior Masculina e Feminina.
Ningún comentario:
Publicar un comentario