O mes do libro continúa na Guarda
Este sábado día 9 de abril ás 12:00h na Biblioteca Municipal, co contacontos “O Principiño en figuras de luz”
Infogauda / A Guarda
A programación do mes do libro continúa este sábado día 9 de abril ás 12:00h na Biblioteca Municipal de A Guarda, co contacontos “O Principiño en figuras de luz”.
O devandito contacontos é un xeito diferente de achegarnos ao clásico conto infantil “O Principiño” a través da representación de algunhas das pasaxes mais coñecidas, mediante figuras de luz.
Este peculiar contacontos será realizado por compoñentes da Asociación Jóvenes Científicos, que realizan os mais variados proxectos de investigación e divulgación científica.
Esta actividade require dunha inscrición previa no Centro Cultural en horario de 16:00 a 21:00h. ou chamando ao 986 611 850.
Ningún comentario:
Publicar un comentario