Un percorrido polo florecemento vital das mulleres da voz de Nastasia Zürcher
O auditorio municipal acollerá este sábado día 12 de marzo, ás 20 horas, o concerto da vocalista e compositora galego-suíza
Con motivo do 8M ao abeiro do programa Fiando Redes da Deputación de Pontevedra
Infogauda / O Rosal
A voz e enerxía de
Nastasia Zürcher encherá esta fin de semana o auditorio municipal do Rosal para
seguir reivindicando a igualdade. Co gallo do Día Internacional da Muller, este
sábado día 12 de marzo, ás 20:00 horas, a vocalista e compositora galego-suíza ofrecerá un concerto
organizado pola Agrupación Musical do Rosal en colaboración co Concello dentro
do programa Fiando Redes da Deputación de Pontevedra, unha iniciativa que
pretende fomentar o asociacionismo feminino e concienciar a favor da igualdade
mediante propostas culturais inclusivas e con perspectiva de xénero.
Baixo
o nome de ‘Flor de flores’, Zürcher achega unha proposta cultural e musical co
que percorrer as diferentes fases do florecemento vital das mulleres. A través
da súa música, combinando canto con fala, música con poesía, a artista percorre
coas súas composicións o sendeiro da flor florecida, convidando a todas as
mulleres presentes a unir as súas voces para cantar xuntas e conectadas.
Zürcher,
galardoada e dúas veces nominada aos Premios Martín Códax da Música nas
categorías de ‘Blues, Funk & Soul’ e ‘World Music’, ten publicados dous
álbums de autoría propia e foi premiada en Holanda polo seu tema en galego
‘Espertos’ no Festival Liet International en 2018. As súas cancións buscan
novos enfoques, fusionan estilos e desenvolven unha identidade artística propia
e rica en matices, cunha voz inconfundible que recita as súas composicións
escritas en inglés, galego, castelán e francés.
O
concerto será con entrada de balde ata completar aforo.
Ningún comentario:
Publicar un comentario