O ROSAL

Parabéns ás rapazas da escola Attitude 

Polos seus logros no Concurso Nacional de Danza

Integrantes da Escola de Danza Attitude 

Fotos: C.O.R.

 

Infogauda / O Rosal

 O Concello do Rosal traslada os seus parabéns a todas as integrantes da Escola de Danza Attitude e a todas aquelas nenas que a pasada fin de semana acadaban importantes logros na primeira fase do Concurso Nacional de Danza celebrado en Ourense.

Integrantes da Escola de Danza Attitude, premiadas na primeira fase do Concurso Nacional de Danza celebrado en Ourense

 

 No encontro, as integrantes da escola acadaron un primeiro e segundo premio en coreografías grupais integradas por cativas do Rosal e da Guarda. Ademais, as rosaleiras Araceli Rodríguez e Leire Peniza conseguían un segundo premio polas súas coreografías solistas. A guardesa Irene Cadilla, facíase co primeiro premio tamén pola súa actuación. As primeiras clasificadas en participarán o vindeiro mes de maio na segunda fase deste concurso nacional, que se celebrará en Tarragona.

 “Dende o Concello queremos felicitar a todas as alumnas e á profesora e directora da escola de danza, a rosaleira Alba Rodríguez, polos bos resultados obtidos durante esta fin de semana e por ese pase para unha segunda fase do certame nacional que nos faga seguir soñando coas súas coreografías. Sen dúbida levarán o nome do Rosal moi lonxe”, salienta a alcaldesa, Ánxela Fernández Callís.