DEPORTES

ATLETISMO

OS DEPORTISTAS DA SOCIEDADE ATLÉTICA DO TREGA BRILLARON EN LOURENZÁ

Álex Sierpes, Christian Sierpes,  Héctor Portela, Carmen Magallanes, Mara Romeu, Elisa  Morgado e Helia Alonso, conseguiron 8 medallas autonómicas

Álex Sierpes Pereira - no máis alto do podio - proclamouse campión galego individual

Informa: Sociedade Atlética do Trega

 Esta pasada fin de semana, ata Lourenzá (Foz–Lugo), desprazáronse os nosos atletas clasificados da fase do provincial escolar para disputar o Campionato de Galicia de Campo a través de  XOGADE. 

 O máis destacado da xornada para o noso club, foi a proba cadete masculino Sub-16, na que o guardés, Álex Sierpes Pereira proclamouse campión galego individual. Ademais formaba equipo co seu irmán  Christian Sierpes, que entrou en 8º posto e pechando o equipo, o  porriñes, Héctor Portela Méndez, no posto 26º. Entre todos sumaron 18 puntos, proclamándose campións falegos por equipos na categoría Sub-16 masculino.

Os cadetes masculinos Sub-16 da Sociedade Atlética do Trega, campións de Galicia por equipos

As cadetes femininas Sub-16 da Sociedade Atlética do Trega, lograron a medalla por bronce por equipos

 O conxunto das mozas Sub-16, composto por tres guardesas e unha tudense, amosáronse como un equipo moi regular, entrando en meta de primeira do seu grupo Carmen Magallanes Pérez cun 11º posto; Mara Romeu Vicente, no posto 24º, seguida moi de preto por Elisa Morgado Rodríguez, coa posición de 26º, e para  rematar o grupo, Helia Alonso Romero cun 31º posto, sumando entre todas 32 puntos o cal lles deu a medalla de bronce autonómico por equipos.  

Equipos feminino e masculino, coas correspondentes medallas, na compaña de dous dos adestradores da Sociedade Atlética do Trega

 Así pecharon con broche de ouro e bronce esta xeración, un ciclo nas categorías de base por equipos. 

 Tamén tivemos representación en alevín masculino categoría na que Sergio Silva Souto, acabou clasificado no posto 31º. 

 E en infantil, a tomiñesa Paula Rocha Bautista, quedou clasificada na 13ª posición.

 Moitas felicidades a  todas/os!