A GUARDA

Os Reis Magos visitaron a Residencia e Centro de Día Santa Tecla  

E levaron agasallos, ilusión e ledicia

Os Reis Magos de Oriente as portas da Residencia e Centro de Día Santa Tecla, acompañados polo alcalde de A Guarda, e membros do equipo do centro xeriátrico

Fotos: C.A.G.

Infogauda / A Guarda

 No día de onte, martes 4 de xaneiro as Súas Maxestades de Oriente, Melchor, Gaspar e Baltasar aproveitaron a súa chegada á vila de A Guarda para visitar aos nosos maiores na Residencia e Centro de Día Santa Tecla. 

Súas Maxestades, os Reis Magos de Oriente, acompañados do alcalde de A Guarda, levaron agasallos e ilusión aos maiores da Residencia e Centro de Día Santa Tecla

 A media tarde os Reis Magos de Oriente, que previamente foran recibidos polo alcalde de A Guarda, Antonio Lomba Baz, acudiron á residencia para levar uns agasallos, visitar e escoitar aos homes e mulleres que quixeron intercambiar unhas palabras con eles.  

 Unha xornada moi animada na que non faltaron os bailes e a música nunha tarde chea de ilusión, diversión e alegría.   

 Tamén se respectaron as medidas sanitarias e as Súas Maxestades fixeron un test de antíxenos co equipo de enfermería da residencia.