A programación do Nadal continúa na Guarda con actuacións, obradoiros e concertos
• O xoves 16 Concerto de Nadal do Conservatorio; o venres 17 actuación de “Los muñecos de la tele” e un obradoiro de nadal; o sábado 18 Concerto Cantos de nadal; e o domingo 19 Concerto de panxoliñas
• O domingo 19 celebrarase a conmemoración do centenario do fonte - lavadoiro da Cal
Infogauda / A Guarda
A programación do Nadal 2021 continúa na Guarda con diferentes propostas para todos os públicos que conta con actuacións infantís, obradoiros e concertos.
Na xornada do xoves día 16 de decembro, a partires das 20:00h, o Centro Cultural de A Guarda acollerá o tradicional Concerto de Nadal dos grupos de corda do Conservatorio Elemental de Música de A Guarda. Trátase dun concerto que sempre enche de ilusión aos músicos mozos guardeses e ao que acoden os seus familiares para presenciar os avances realizados na súa formación musical. De feito, en virtude do protocolo de prevención pola COVID-19 este ano o aforo está reservado só a familiares.
O venres día 17 de decembro ás 17:30h terá lugar o espectáculo infantil “Los Muñecos de la tele”, unha actividade organizada pola Asociación Studio 88 en colaboración co Concello de A Guarda. É preciso reservar entradas previamente no teléfono 606 540 673.
Tamén este venres ás 18:30h a Oficina Municipal de Información Xuvenil (OMIX) de A Guarda acollerá o obradoiro “Reutilizando Abelorios”. As prazas son limitadas, polo que as persoas interesadas deberán inscribirse na OMIX a través do correo electrónico informacion@aguarda.es ou no teléfono 986 610 000 extensión 7.
Xa na xornada do sábado día 18 de decembro, ás 12:00h, a Praza de Avelino Vicente acollerá o evento musical Cantos de Nadal, coa participación dos grupos de pandereteiras Coiro Vello, Carainas, Paliqueiras e Do Lusco ó Fusco.
Para rematar a semana, na xornada do domingo día 19 de decembro ás 12:30h realizarase o acto de conmemoración do centenario da fonte-lavadoiro da Cal, que contará con actuacións musicais e que terá lugar fronte ao propio lavadoiro.
Pechando a xornada ás 17:30h a Igrexa Parroquial de Santa María acollerá o tradicional Concerto de Panxoliñas, organizado pola Agrupación Coral Polifónica de A Guarda en colaboración co Concello de A Guarda. Nese tradicional evento ademais da coral anfitrioa, actuarán a Coral do Club da Terceira Idade, o Grupo Antorcha e o Coro Cantabile.
Ademais o venres 17 e o sábado 18 todas as persoas que visiten a Praza de Abastos poderán ver, en horario de mañá, os postos de artigos e produtos da Mostra Creativa de Nadal. Trátase dunha das accións comerciais dentro da Campaña de Nadal 2021/22 coa finalidade é incentivar o comercio local e crear sinerxias. Na Mostra participan 8 creadores, artesás, deseñadores e marcas do Baixo Miño.
AXENDA DE NADAL
XOVES 16 DE DECEMBRO
20:00h Centro Cultural
CONCERTO DO CONSERVATORIO
VENRES 17 DE DECEMBRO
9:00h – 14:00h Praza de Abastos
Mostra Creativa de Nadal
17:30h Centro Cultural
Actuación infantil “Los Muñecos de la Tele”
Reserva de prazas no 606 540 673.
18:30h Casa dos Alonso
Obradoiro “Reutilizando Abelorios”
Inscrición previa en OMIX
SÁBADO 18 DE DECEMBRO
9:00h – 14:00h Praza de Abastos
Mostra Creativa de Nadal
12:00h Praza Avelino Vicente
CANTOS DE NADAL
Coas pandereteiras Coiro Vello, Carainas, Paliqueiras e do Lusco ó Fusco
DOMINGO 19 DE DECEMBRO
12:30 Fonte da Cal
Conmemoración centenario da fonte-lavadoiro da Cal
17:30h Igrexa Parroquial
CONCERTO DE PANXOLIÑAS
Coa participación de Agrupación Coral Polifónica de A Guarda, Coral da Terceira Idade, Grupo Antorcha e Coro Cantabile
Organiza: Agrupación Coral Polifónica de A Guarda
18:00h Praza do Reló
Concerto de nadal de vento e coro dos
alumnos do conservatorio
*En caso de choiva se suspende
DO 22 AO 24 DE DECEMBRO
ELFOS DE NADAL polas rúas de A Guarda
Horario: 22 e 23 de 17:00h a 20:00h
24, de 11:30h A 14:30h
MÉRCORES 22 DE DECEMBRO
18:00h Casa dos Alonso
Obradoiro de Canto Moderno
Canta con voz Propia
Para todos os públicos (entrada libre)
XOVES 23 DE DECEMBRO
De 16:00h a 19:00h Praza de Avelino Vicente
“GADALKA” a cargo do Mago Dani
Espectáculo de maxia individualizada por familias
MARTES 28 DE DECEMBRO
18:00h Centro Cultural
“Little neno descobre a… Os Beatles”, de A Reixa Produccións
Reserva de entradas en eventbrite.es
MÉRCORES 29 DE DECEMBRO
20:30h Centro Cultural
“Ventos de Nadal”, grupos seccionais da Agrupación Musical de A Guarda
XOVES 30 DE DECEMBRO
18:00h Centro Cultural
TITIRICIRCUS, con Tanxarina Títeres
Reserva de entradas en eventbrite.es
VENRES 31
13:00h Pasacalles polo centro da vila
O Apalpador chega á Guarda
Organiza: Deputación de Pontevedra
DO 3 AO 5 DE XANEIRO
CARTEIROS DO NADAL polas rúas de A Guarda
Horario: 3 e 4 de 17:00h a 20:00h.
5, de 11:30h. A 14:30h.
MARTES 4 DE XANEIRO
17:30h Alameda
CIRCO RASNOVARAK, con Troula Animación
Espectáculo de rúa con animais xigantes
MÉRCORES 5 DE XANEIRO
12:00h Pavillón Municipal da Sangriña
Partido Benéfico de Balonmán entre o Atlético Guardés e o BM Porriño
Recollida solidaria de alimentos non perecedoiros
Visita dos Reis Magos con paseo polas principais rúas da localidade.
Ligazón para inscrición de eventos en eventbrite.es:
Ningún comentario:
Publicar un comentario