VIGO

PROXECTO SOLIDARIO NO CEP DR. FLEMING

Estána levando a bo termo o alumnado de 4º D, dese centro

Alumado de cuarto D do CEP Dr. Fleming que está recollendo material solidario

Foto: Elefantes de Papel

Infogauda / Vigo

 Este curso os nenos e nenas de cuarto D do CEP Dr. Fleming (Vigo) están recollendo material para levar a Marrocos durante as vacacións do Nadal a través do Rally Solidario Marruecos. 

 Usando a súa aula como almacén base e coa axuda da ANPA, do comedor e dalgunhas profesoras do centro, o alumnado encargarase de conseguir material escolar, deportivo, de parafarmacia, alimentos non perecedoiros e xoguetes. Seleccionarannos, clasificarannos e meterannos en caixas. 

 Posteriormente cargarano na furgoneta de Elefantes de papel que, conducida por Jorge Alonso, Marta Galovart e Berto Pirata, recorrerá as zonas máis empobrecidas do Atlas africano. 

 Ademais da recollida pretenden coñecer, empatizar e dar visibilidade a estas aldeas que viven en precario coa intención de que máis colectivos, centros escolares, etc. se animen a iniciativas deste tipo.

 "Este trimestre estamos traballando nun proxecto solidario. Gustaríanos que máis xente se unise a nós ou que copiaran a nosa idea porque tan importante é a recollida como que se saiba o que estamos facendo (...)", indícannos desde o referido centro educativo.