Formación sobre “Planificación Estratéxica Empresarial”
• Terá lugar na Casa dos Alonso, o mércores 29 de setembro, en horario de 17:00 a 20:00h e é preciso inscrición previa en atlantic.culture.scape@gmail.com
Infogauda / A Guarda
Enmarcado no proxecto Atlantic Culture Scape, a Casa dos Alonso (Praza do Reló, nº 1 - A Guarda), acollerá o mércores 29 de setembro unha sesión de formación sobre “Planificación Estratéxica Empresarial”.
Esta sesión formativa está dirixida a persoas, empresas e asociacións ligadas ao sector turístico e ao patrimonio cultural inmaterial.
Na mesma traballarase conxuntamente sobre como (re)definir obxectivos empresariais, emprender iniciativas de negocio, procurar novos mercados de comercialización e deseñar plans de acción para adaptarse aos novos tempos.
Esta formación será complementada por un seguimento personalizado para afondar nos coñecementos de creación de plans de negocio específicos para cada empresa implicada nesta formación.
É preciso realizar unha inscrición previa a través do enderezo electrónico atlantic.culture.scape@gmail.com
Ningún comentario:
Publicar un comentario