O Concello de A Guarda recibe a Paula Arcos e a José Ignacio Prades, despois da súa participación nos Xogos Olímpicos de Tokyo 2020
• A xogadora e o adestrador do Mecalia Atlético Guardés foron recibidos polo alcalde e a concelleira de Deportes
Fotos. C.A.G.
Infogauda / A Guarda
Na mañá deste mércores día 18 de agosto de 2021 o Concello de A Guarda realizou unha recepción oficial a Paula Arcos e a José Ignacio Prades despois da súa participación nos pasados Xogos Olímpicos de Tokyo 2020.
Tal e como manifestou Antonio Lomba, "para a vila da Guarda é todo un orgullo e satisfacción contar con figuras tan representativas no eido deportivo que levan o nome da Guarda polo mundo adiante."
Mª Montserrat Magallanes quixo "agradecer o enorme esforzo que supón traballar nun equipo de élite como é o Atlético Guardés e o ter participado nuns xogos olímpicos, un feito que, sen dúbida, quedará marcado nas súas vidas."
O adestrador José Ignacio Prades, estampando súa sinatura nunha camiseta oficial da selección española de balonmán feminino
Para rematar esta recepción o alcalde e a concelleira de Deportes fixeron entrega dun ramo de flores e dunha placa representativa da vila, realizada pola Asociación Avelaíña. Pola súa banda, dende o Mecalia Atlético Guardés fixeron entrega ao Concello de A Guarda dunha camiseta oficial da selección española, que tamén aproveitaron para firmar e deixar unha dedicatoria: “Para el Concello de A Guarda en agradecimiento por todo su apoyo en los JJOO Tokyo 2020+1”.
Ningún comentario:
Publicar un comentario