A GUARDA

O Concello de A Guarda realiza melloras en diversos camiños do rural 

• O Concello continúa coa mellora da seguridade vial a través do re-asfaltado e mellora de diversos camiños rurais na vila

O alcalde do Concello de A Guarda e o concelleiro de Vías e Obras, supervisando unha das obras de mellora do firme nun dos camiños do rural guardés

Fotos: C.A.G.

Infogauda / A Guarda

 O equipo de goberno local vén de facer público que "dende a Concellería de Vías e Obras do Concello de A Guarda estase a levar a cabo diversas obras de mellora do firme en distintos camiños de barrios do rural guardés. 

 Destacan as intervencións na Costa dos Soldados, Camiño do Campamento e Camiño do Sollás, en Camposancos; o asfaltado do camiño central de Salcidos e o do 1º Transversal Coruto Vello, así como o Camiño de Netos, Laxes, Barreira e Castiñeira, no barrio de Cividáns". 

 Asemade, tamén se indicou que "dentro das actuacións previstas tamén se contempla a renovación do pavimento na rúa Julia Vaquero e na praza de San Bieito (que xa foi executada), así como a rúa do Muniño, na Gándara". 

Antonio Lomba Baz e Miguel Ángel Español Otero, na Costa dos Soldados, en Camposancos

 No caso da renovación do firme en Costa dos Soldados, a capa de rodadura existente atopábase xa moi deteriorada, polo que se realizou a súa reposición por unha nova, enlazando coas obras realizadas o ano pasado de mellora de accesibilidade á praia do Forte (Camposancos). 

  "O Concello de A Guarda continúa deste xeito coa mellora da seguridade vial nos camiños rurais que vertebran as distintas parroquias do concello, garantindo un espazo que reúna as condicións máis axeitadas para o tránsito de vehículos e peóns e os accesos ás vivendas", indican desde o equipo de goberno local. 

 Estes traballos contan cun presuposto de preto de  170.000 euros.