ACTO PÚBLICO DO BNG SOBRE O IMPACTO DOS PARQUES EÓLICOS
· O próximo xoves día 20 ás 20:30 horas, no local da Comunidade de Montes de Camposancos
O BNG de A Guarda convoca un acto público no local da Comunidade de Montes Veciñais en Man Común de Camposancos o próximo xoves día 20 ás 20:30 horas “para dar a coñecer a situación actual de proliferación dos parques eólicos na Galiza”.
Baixo o lema “Nin expolio dos nosos recursos, nin degradación do noso territorio” o BNG reforzará a súa posición de apoio a unha “enerxía eólica sustentábel, xusta e galega”.
Neste acto participará o portavoz municipal do BNG no Concello de A Guarda, Anxo Lois Baz Vicente e o deputado Xosé Luís Bará Torres, que no Parlamento galego é membro da Comisión de Ordenación Territorial, Obras Públicas, Medio Ambiente e Servizos.
O acto contará coas medidas de seguridade propias da situación de pandemia.
Ningún comentario:
Publicar un comentario