DEPORTES

HOCKEY LIÑA

Bos resultados de A Guarda - Vigo BlueRinged no debut da Liga Galega

 

Informa (fotografías e redacción): Miguel Fernández Lomba / A Guarda

 Na xornada do domingo día 21 de marzo, as seccións feminina e masculina do A Guarda - Vigo BlueRinged debutaron en sendos partidos da Liga Galega de Hockey Liña fronte a ADC Alquimia InLine da Coruña con victorias en ámbolos encontros.  

 A xornada disputouse no Pazo dos Deportes de Riazor e no partido de inicio o equipo feminino impúxose ó equipo local por un apretado resultado de 3 goles a 4. Foi un emocionante encontro no que a efectividade nos últimos metros e a actuación da meta viguesa Uxía Pérez  foron determinantes.   

 Xa no mediodía foi o equipo masculino que se impuxo con claridade ós seus rivais con un resultado final de 1-10 nun partido no que os xogadores de A Guarda - Vigo BlueRinged dominaron de principio a fin.