DEPORTES

ATLETISMO

Mª EMILIA RODRÍGUEZ BAZ, DE A GUARDA, LOGRA A MEDALLA DE OURO E RÉCORD AUTONÓMICO 

NOS  3.000 METROS LISOS DE MARCHA

 

Mª Emilia Rodríguez Baz (Milu), no máis alto do podio correspondente a proba dos 3.000 metros lisos marcha
 

Informa (fotografía e redacción): Sociedade Atlética do Trega 

 Esta pasada fin de semana, nas pistas do Centro Galego de Tecnificación Deportiva (CGTD) de Pontevedra, nosa atleta María Emilia Rodríguez Baz (Milu), participou no Campionato Galego de medio fondo máster 2021, competindo na  proba dos 3.000 metros lisos marcha.  

 Un campionato que quedou un pouco deslucido pola baixa participación como vén sendo habitual nos últimos anos tanto en probas territoriais, autonómicas ou nacionais en pista ou en roteiro, coa participación de 6 atletas femininas e 2 masculinas. 

 A proba que se disputou mixta paralelamente, ás 9:40 h da mañá, onde nosa atleta entrou en 1ª posición cun tempo formidable de 16´ 02" 64, conseguindo o título de campioa galega Máster 45 máis récord galego da categoría, mellorando a súa anterior marca persoal.