EMPREGO

O Concello de A Guarda contratará a 13 persoas desempregadas 

Ao abeiro do Plan concellos 2021 da Deputación de Pontevedra 

 

                                          Casa do Concello de A Guarda
 

Infogauda / A Guarda

 O equipo de goberno municipal que preside o alcalde Antonio Lomba Baz, vén de facer público que "o Concello da Guarda contratará proximamente a 13 persoas desempregadas grazas ao Plan de Conservación e funcionamento de bens e servizos municipais da Deputación de Pontevedra.  

 Neste senso A Guarda pedirá traballadores para Axudantes do Camión do lixo (2), Peóns Limpadores (8), Conserxe (1), Auxiliares de Cultura (1) e Informáticos (1). 

 Dependendo do posto a desempeñar a xornada será parcial ou completa e a duración do contrato oscila entre os 7 e os 8 meses. 

 Todas as persoas interesadas a optar a un destes postos de traballo deberán estar inscritas coma demandantes de emprego no Servizo Público de Emprego de Galicia nas categorías da seguinte táboa e empadroadas no Concello da Guarda. Estes requisitos deberán cumprirse tanto no momento da selección coma no da formalización do contrato".  

LIÑA 3: EMPREGO PARA CONSERVACIÓN E FUNCIONAMENTO DE BENS E SERVIZOS MUNICIPAIS (Deputación de Pontevedra)  

Contratación de traballadores desempregados. PETICIÓN 

Nº	Posto	CNO	Ocupación	Categoría	Meses	Xornada
2	Axudantes Camión Lixo	83321151	Operarios de vehículos de limpeza viaria	70 Axudante	8	Completa
8	Peóns Limpadores	94431016	Varredores	00 Non determinada	8	Completa
1	Conserxe	58331022	Conserxes en xeral	00 Non determinada	8	Completa
1	Auxiliar Cultura	37131078	Xestores Culturais	00 Non determinada	8	Completa
1	Informático	27211018	Administradores de sistemas de redes	00 Non determinada	7	Completa
13

 

 BENEFICIARIOS 

 Persoas desempregadas, inscritas no Servizo Público de Emprego de Galicia como demandantes non ocupados e que estean dispoñibles para o emprego. No código CNO que se indica para cada posto. 

 Estes  requisitos deberán cumprirse tanto no momento da selección coma no da formalización do contrato.  

REQUISITOS ACADÉMICOS 

 Para os postos de Axudante de camión lixo, Peóns limpadores NON se precisa titulación.  

 Para o posto de Conserxe precísase como mínimo ter o título de graduado en ESO ou equivalente.  

 Para o posto de Auxiliar Cultura precísase como mínimo ter o título de Bacharelato ou equivalente.  

 Para o posto de Informático precisase como mínimo ter o Ciclo medio da familia profesional de informática e comunicacións ou equivalente.