O Concello deulle os parabéns para Lucinda, a persoa de maior idade do Rosal
Celebrou os seus 106 anos rodeada da súa familia.
A alcaldesa entregoulle un ramo de flores como agasallo
Infogauda / O Rosal
O Concello do Rosal quere felicitar a Lucinda, a persoa de maior idade do municipio. Este luns Lucinda celebraba o seu aniversario rodeada da súa familia e soprando as 106 velas da tarta na súa casa en San Miguel de Tabagón. E é que, sendo a persoa máis lonxeva do municipio e con máis de tres díxitos ás súas costas, Lucinda atópase chea de vitalidade e coa cabeza ben posta.
As imaxes amósannos á satisfacción de Lucinda na celebración do seu 106 cumpleanos
A alcaldesa do Rosal, Ánxela Fernández Callís, achegouse ata o domicilio de Lucinda para agasallala cun ramo de flores de parte do Concello e desexarlle que continúe coa boa saúde coa que conta ata agora. “Para min foi todo un privilexio poder visitala e compartir un anaco de tempo con esta muller tan entrañable”, salientou.
Ningún comentario:
Publicar un comentario