PESCA

OS INSPECTORES DE PESCA MARÍTIMOS DE PONTEVEDRA RECLAMAN NON SER INCLUÍDOS COMO SERVIZO ESENCIAL DURANTE O ESTADO DE ALARMA 

Infogauda / Pontevedra

 A Xunta de Persoal da Subdelegación do Goberno en Pontevedra mostra o seu apoio ao grupo de inspectores de pesca marítima da Administración xeral do Estado, ante as presións que están a recibir do Ministerio de Agricultura, Pesca e Alimentación para ter que realizar inspeccións de pesca nos portos, lonxas e buques de pesca, argumentando o seguinte: 

 -En primeiro lugar, segundo a instrución do Director da Área de Agricultura e Pesca de Galiza sobre a organización do traballo dos Servizos de Sanidade Animal, Sanidade Vexetal e Pesca baixo esta situación de crise sanitaria, remitida o 13 de marzo o Servizo de Inspección de Pesca Marítima considerábase un servizo non esencial durante a crise do COVID-19. 

 Non obstante, o 2 de abril modifícase esta Instrución, cambiando a consideración do grupo de inspectores de pesca a "esencial", a pesar de que o Goberno español ten unha actividade laboral limitada, permitíndoa só a grupos esenciais. 

 -Á vista das novas que están a chegar sobre a dificultade das Administracións para adquirir material de protección e saúde, é a Administración a responsable de usar este material en algunha actividade que non sexa a loita de primeira liña contra a epidemia? 

 -Pola natureza deste traballo así como polo ambiente no que se realiza, sería practicamente imposible cumprir as medidas de prevención establecidas polo Goberno, aumentando o risco de transmisión da enfermidade. Durante o desembarco de capturas, a presenza de persoas implicadas nas capturas é elevada, polo que non sería posible manter a correspondente distancia de seguridade. 

 -Sábese que o nivel de malestar das tripulacións é moi elevado, non só debido á situación epidémica en si, senón tamén polo baixo prezo de venda das capturas e a presenza de autoridades de inspección xeraría un aumento da tensión no portos pesqueiros. 

 - Dende o 16 de marzo, o traballo de Inspección e Control da flota realízase de xeito electrónico. Para iso úsanse diferentes medios: aplicacións de localización por satélite para o seguimento da flota (aplicacións AIS e CSP); o Diario de pesca electrónico, para controlar o cumprimento no rexistro de captura e transmisión de mensaxes das flotas de destino; TRAZAPES, para o cruzamento de datos de desembarco con notas de venda; comunicación directa coas confrarías para enviar datos de buques que non teñen DEA, etc. 

 -De acordo coa documentación de que dispón este grupo, o Ministerio de Agricultura, Pesca e Alimentación sostén que a presenza dos inspectores pesqueiros é necesaria para a subministrar a sociedade española s capturas obtidas pola flota pesqueira que pesca en augas de Terranova e que realizan as súas descargas en portos da provincia de Pontevedra. Embárgante isto que aseguran que é absolutamente falso, xa que estas capturas véndense principalmente no mercado asiático e en Europa principalmente en Portugal e no Reino Unido. 

 Polas razóns antes mencionadas, este grupo considera que se está a levar a cabo un control adecuado na situación excepcional (en certas frotas, o control documental é aínda maior do habitual) e que a súa presenza en portos non produciría unha maior calidade na inspección pesqueira, dado que a aplicación das medidas preventivas implementadas para o COVID-19, dificilmente lles permitiría realizar unha verificación minuciosa das capturas, pero podería desencadear un maior nerviosismo na sector pesqueiro así como aumentar o risco de transmisión da enfermidade.  

 Estas circunstancias foron postas en coñecemento da Delegación do Goberno en Galiza e da Subdelegación do Goberno en Pontevedra, instando aos responsables de ambas institucións e deixar sen efecto a aplicación desta disposición, e polo tanto non impartir instrucións aos inspectores de pesca para realizar un traballo ineficaz que podería provocar a propagación do virus COVID-19.