AS EIRAS (O ROSAL)

Grande éxito do curso de elaboración artesanal de ungüentos, de Eurural celebrado no Rosal   

A alcaldesa do Conclelo do Rosal, Ánxela Fernández - no centro da imaxe - con Amparo Grandío e as persoas que asistiron ao curso de elaboración artesanal de ungüentos

Fotos: C.O.R.

Infogauda / O Rosal

 Grande éxito de participación no curso de elaboración artesanal de ungüentos que a Asociación de Desenvolvemento Galicia Suroeste Eurural celebrou esta semana no Rosal ao abeiro da terceira edición do programa ‘Coas mans na masa’. Durante dous días as persoas participantes aprenderon a realizar cremas, pinturas, xabóns, aceites,..., con recursos naturais que se atopan na contorna, da man de Amparo Grandío, enxeñeira técnica agrícola e licenciada en tecnoloxía da alimentación con máis de 20 anos de experiencia. 

 Este curso, celebrado nas Eiras, ten un dobre obxectivo: por un lado, animar ao uso particular dos produtos elaborados e, por outro, formar ás persoas participantes na transformación de materia prima agraria en produtos de calidade con valor engadido no mercado para a súa posible comercialización posterior. 

Nos momentos previos á entrega dos diplomas, a alcaldesa do Rosal adicoulles unhas verbas ás persoas que asistiron ao curso

 Durante a entrega de diplomas no acto da clausura do curso, a alcaldesa do Rosal, Ánxela Fernández, agradeceu a asistencia ao curso a todas e todos os participantes. 

 As persoas participantes destacaron estar contentas pola súa participación no curso e por todo o aprendido durante este dous días.