GONDOMAR

Presentación do itinerario formativo ‘Coas mans na masa 2020'

 

Data: xoves 9 de xaneiro

Hora: 12.00 h

Lugar: Hall Auditorio Municipal Lois Tobío, en Gondomar. Ubicación: https://goo.gl/maps/rb9uK2ZB9bffQusS9

Asisten: Francisco Ferreira, alcalde de Gondomar; Sandra González, presidenta da Asociación de Desenvolvemento Galicia Suroeste Eurural e alcaldesa de Tomiño; Carlos Prado, alcalde de Baiona; Antonio Lomba, alcalde de A Guarda; Nidia Arévalo, alcaldesa de Mos; Ánxela Fernández, alcaldesa do Rosal; e Enrique Cabaleiro, alcalde de Tui

 A Asociación de Desenvolvemento Galicia Suroeste Eurural, entidade responsable da execución da Medida Leader 2014-2020 no territorio do GDR 14, presenta este xoves 9 de xaneiro no Auditorio Municipal Lois Tobío, en Gondomar, o seu itinerario formativo ‘Coas mans na masa 2020', posto en marcha ao abeiro da Escola Eurural creada no ano 2017 por esta entidade.

 Nesta nova edición levaranse a cabo seis accións formativas coas que se pretenden achegar á poboación xeral o coñecemento necesario para elaborar de forma artesanal todo tipo de conservas e de ungüentos naturais e que se desenvolverán nos concellos de A Guarda, Tui, Baiona, O Rosal, Mos e Gondomar. Todas estas accións son de balde e están abertas á participación dos veciños e veciñas de todo o territorio do GDR 14 (Baiona, Fornelos de Montes, Gondomar, A Guarda, Mos, Nigrán, Oia, Pazos de Borbén, O Porriño, Redondela, O Rosal, Tomiño e Tui). 

 Cada actividade está organizada para un total de 15 persoas participantes e a inscrición poderá realizarse a través da web www.eurural.org.

Fonte: Eurural