O ROSAL

ACTUACIÓNS CULTURA NO CAMIÑO EN PORTECELO 

O vindeiro día 22 de agosto, ás 20:00 horas, en San Xián actuará Circanelo

 “Os Monifates” - a esq. da imaxe -, actuando en Portecelo  

Foto: C.O.R.

Infogauda / O Rosal

 Máis de 150 persoas gozaron o mércores 14 de agosto en Portecelo, das actuacións do programa Cultura no Camiño, promovidas pola Xunta de Galicia. 

 “Os Monifates”, dúo formado por un músico e un artesán deleitaron ás 20:00 horas ós veciños cunha actuación con sonido diverso e dinámico e ás 21:00 horas comezou “Sue Moreno”, actriz, trapecista e bailarina, que mezclou técnicas aéreas de circo, música e teatro físico para relatar a historia dunha muller que no seu día a día intenta conciliar traballo, vida e maternidade. 

 Desde o executivo municipal do Concello do Rosal, que preside a alcaldesa Ánxela Fernández Callís, agradecen a gran acollida e a asistencia. 

 Asemade, desde o Concello do Rosal lembran que o vindeiro 22 de agosto en San Xián contaremos ás 20:00 horas con Circanelo. Circo, acrobacias e malabares e ás 21:00 horas Pepe Vaamonde, trío de música tradicional.