A GUARDA

O concerto de Caramelo Krew, na Cruzada, abríu o Música nas Prazas 2019

 Caramelo Krew actuou o venres na Cruzada

Foto: C.A.G.

Infogauda / A Guarda

 O pasado venres día 14 de xuño arrancou o Música nas Prazas 2019, cuarto edición desta actividade promovida dende a concellería de Cultura do Concello da Guarda e que este ano conta con 3 concertos nas Prazas de San Caetano, Avelino Vicente (onde está a réplica do As de Copas) e Os Seixiños (A Gándara).   

 Os encargados de abrir a programación de Música nas Prazas foi Caramelo Krew, un grupo guardés de rap, formado por Hugx (Hugo Aldea) e Holden (Jose Mauri), que encheron de música a Praza de San Queitano. 

 A vindeira cita será o 16 de agosto ás 22:00h na Praza de Avelino Vicente - entre as rúas Concepción Arenal, A Coruña e Alcalde Manuel Álvarez Vicente - coa actuación do grupo Blues do Pais. 

 E para rematar o 13 de setembro ás 22:00h na Praza dos Seixiños coa actuación de Helen & Shana. 

 Na súa edición de 2018, a programación de Música nas Prazas acadou un notable éxito de afluencia de público, fomentando a música en diferentes espazos do municipio, tentando dar visibilidade e dinamismo a todos eles por igual, levando a cultura musical a todas as parroquias da vila. 

 Ao longo dos tres anos de Música nas Prazas foron moitas as formacións musicais do panorama local e galego que teñen pasado polas prazas da vila guardesa, entre elas, De Vacas, Sonus de Gaya, Indomables, Argonat Band, Mbolo Mooye Doolé, Carmen Johns, entre outros. 

 O Música nas Prazas 2019 conta co apoio de Pontegal da Deputación de Pontevedra.