A GUARDA

CULTURA

A VIGUESA MARÍA LÓPEZ CORREA, GAÑADORA DO XXXIII CERTAME DE POESÍA FELICIANO ROLÁN 

· O 2º e o 3º premio son para Xoán Francisco Pérez Argibay, de Santiago de Compostela, e para Alfonso Barragán Rincón, de Cádiz, respectivamente

 
 

Monumento ao poeta Feliciano Rolán Vicente, obra do escultor Magín X. Picallo Durán

Foto: Infogauda

Ricardo Rodríguez Vicente / A Guarda

 Reunido o xurado cualificador do XXXIII Certame de Poesía Feliciano Rolán, no local da Agrupación Cultural Guardesa, en presenza da presidenta, Julia Sobrino González e outros membros da directiva; o xurado, formado por Gloria Inés Vázquez Castro, Teresa Pereiro Ramos, Chuny Vázquez Vicente, Fátima Pérez Sobrino e Fernanda de Santiago Moure, logo das correspondentes deliberacións e comentando o gran aumento de participación respecto a convocatorias anteriores, acordou premiar aos seguintes poetas:

1º Premio: María López Correa, de Vigo, polo poema "Mariñeiras".

2º Premio: Xoán Francisco Pérez Arbigay, de Santiago de Compostela, polo poema "O silencio abraza a ausencia infinita".

 3º Premio: Alfonso Barragán Rincón, de Cádiz, polo poema "Ese traje por vestir".

 A entrega dos premios será o vindeiro sábado día 29 de xuño, ás 21:00 horas, no Centro Cultural de A Guarda, nun acto cultural poético, no que actuarán as Pandereteiras da Agrupación Cultural Guardesa e o Coro Arpegios.