PREVISIÓN DE ACTOS NA
DELEGACIÓN DA XUNTA DE GALICIA EN MADRID/CASA DE GALICIA
PARA A SEMANA DO LUNS 6 AO VENRES
10 DE MAIO DE 2019
Martes, 7
19:30 horas
A Delegación de
la Xunta en Madrid/Casa de Galicia acollerá a inauguración de "DEUS NO
CAPITALISMO", exposición de pintura de Juan González Iglesias, artista de ascendencia galega cuxa obra
rompe, de forma radical, cos estritos conceptos da arte convencional e
adéntrase en terreos que van máis aló do plástico.
González
Iglesias estudou Administración de Empresas, empezou a súa carreira como
creativo publicitario e continuóuna en tendencias de moda. Tras un poderoso
espertar espiritual, abandonou todo e dedicouse por completo á arte. As súas
obras lembran que “a comuñón con Deus é inevitable, por moi cínico que sexa o espectador e por
moitos smartphones que haxa”.
A mostra “Deus no
capitalismo” poderá visitarse nas Salas A e
B da Casa de Galicia ata o 31 de
maio en horario, de 10 a 14 e de 16 a 20 horas. Domingos e festivos: de 10 a 14
horas.
Xoves, 9
19:30 horas
Presentación do
libro "LA JUBILACIÓN, UNA NUEVA OPORTUNIDAD", de Bartolomé Freire, no
que o médico e psiquiatra expón algunhas claves para obter o máximo partido da
vida de xubilado, con novos retos e oportunidades para esta etapa que, “pode
ser un período moi satisfactorio, se se atopan metas que lle dean sentido”.
Bartolomé Freire, (Xuvia. A
Coruña), propón neste libro, publicado polo editorial LID, facer un esforzo
individual para manterse activo e conectado e formar parte dos programas,
públicos ou privados, que axudan ás persoas para planificar e a conseguir a
xubilación que desexen.
No acto intervirán, ademais
do autor Bartolomé Freire Arteta; o escritor e xornalista, Alfonso S. Palomares;
así como o médico psiquiatra e psicoanalista, Carlos Mingote Adán.
.jpg)
.jpeg)
Ningún comentario:
Publicar un comentario