PATRIMONIO
A PRODUCIÓN DE SAL ENTRE A PROTOHISTORIA E A ANTIGÜIDADE NA COSTA DA GUARDA E VIANA DO CASTELO
Ese foi o tema do Encontro Monográfico co Patrimonio Cultural que tivo lugar o pasado día 29 de marzo, na Casa dos Alonso
Organizado pola Sección de Patrimonio e Bens Culturais do Consello da Cultura Galega
Vista parcial dos ponentes e do público asistente
Fotos: Infogauda
Ricardo Rodríguez Vicente / A Guarda
A produción de sal entre a Protohistoria e a Antigüidade na costa da Guarda e Viana do Castelo, foi a temática da xornada que en horario vespertino tivo lugar o pasado venres día 29 de marzo de 2010, na Casa dos Alonso, de A Guarda. O evento foi organizado pola Sección de Patrimonio e Bens Culturais, do Consello da Cultura Galega, coa colaboura do Concello de A Guarda e o proxecto Mar de Sal; e a súa vez, coordinado pola Dra. Rebeca Blanco-Rotea.
O programa comezou cunha benvida do alcalde da localidade, Antonio Lomba Baz, quen agradeceu o Consello da Cultura Galega que esta xornada monográfica se desenvolvese na vila de A Guarda.
O alcalde tamén relembrou o empeño do concelleiro de Patrimonio Manuel Javier Crespo González, para que as salinas fosen escavadas.
Pola súa parte, a Dra. Rebeca Blanco-Rotea, coordinadora da Sección de Patrimonio e Bens Culturais, do Consello da Cultura Galega, tamén agradeceu a colaboura do concello guardés, e informou da non asistencia de Rosario Alvarez, presidenta do Consello da Cultura Galega, por atoparse en Brasil, en viaxe de traballo.
E xa sen máis, de acordo co programa establecido sería o turno do arqueólogo Dr. Brais X. Currás, vencellado a Universidade de Coimbra-Centro de Estudos de Arqueologia, Artes e Ciências do Património (CEAACP), como investigador posdoutoral, quen a súa vez, na actualidade dirixe o proxecto Mar de Sal para o estudo e posta en valor das salinas de A Guarda; quen intervería na primeira palestra titulada: “O proxecto Mar de Sal e o estudo das paisaxes do sal na Antigüidade”.
Vista parcial das salinas romanas do Seixal (A Guarda)
O Dr. Brais X. Currás fixo un resumo - apoiado cunha proxección de imaxes - das tarefas desenvolvidas ata agora en relación coas salinas romanas do Seixal e as salinas rupestres de As Lagoas (Camposancos), así como á labor de prospección e rexistro das salinas antrópicas - feitas polo ser humano - existentes ó longo do litoral de A Guarda.
A continuación sería a arqueóloga Mar Cortegoso Comesaña, que dirixiu as campañas de escavación desenvolvidas no Seixal en 2016 e 2018, quen informaría da labor feita en cadansúa campaña, e sobor de todo, na campaña do ano pasado na cal se puido datar cronolóxicamente a antigüidade das salinas romanas do Seixal, a vista dos materiais atopados e das análises feitas.
Tamén falou das salinas de Aguncheiro e Porto, en Mougás; e As Lagoas, en Viladesuso (Oia), cuxa tipoloxía é idéntica ás do Seixal.
Unha vez rematada á intervención de Mar Cortegoso, sería o turno de Miguel Costa e Tiago Brochado, arqueólogos da Câmara Municipal de Viana do Castelo, que centrarían súa palestra titulada “A exploraçao do sal no pro-História. O exemplo de Viana do Castelo”, na súas experiencias na prospección e estudo e clasificación tipolóxica, das salinas rupestres e romanas ao longo da costa vianesa.
Compre salientar que no desenvolvemento deste monográfico púxose de manifesto á importancia patrimonial das salinas romanas existentes no Seixal e tamén das salinas rupestres, o tempo que transferiuse a tódolos asistentes, os coñecementos acumulados deica agora por estes especialistas, como a semellanza das salinas romanas da costa guardesa con outras existentes noutros lugares do mundo; o proceso de transporte da auga o mar ata as cubetas enlousadas, e a posterior evaporación pola acción combinada do sol e da brisa mariña.
Falouse tamén, como é obvio da importancia do sal como recurso - indispensable - para á própia subsistencia do ser humano, para á conservación dos alimentos, así como para á elaboración de diferentes salsas,..., e outras aplicacions.
Unha vez rematadas ás diferentes palestras, houbo un interesante debate entre os arqueólogos e persoas do público que asistiu, tanto de A Guarda, como doutras procedencias de Galicia, e tamén de Viana do Castelo.
En decraracións a este cronista, Brais X. Currás informou que dentro duns días comezarán os traballos de consolidación das salinas do Seixal e súa posterior posta en valor, salientando que o estaren ubicadas nunha das variantes do Camiño Portugués pola Costa, pudo comprobar ó longo das escavacions desenvolvidas en 2018, a cantidade de persoas, tanto da localidade, como visitantes que pasan pola zoa, polo que ese enclave vai ser moi concorrido.
Noutro orden de cousas, en decraracions a este cronista, Brais X. Currás avanzou que en breve tres pezas de orbrefería existentes no Museo Arqueolóxico do Monte Santa Trega (MASAT), o remate de torques de ouro - que no seu día fora atopado nunha campaña arqueolóxica no poboado Mergelinas - e dous torques de prata, van ser analizados para tentar de coñecer as trazas da súa procedencia.
O Dr. Brais X. Currás salientou á importancia dos torques, nomeadamente os que foron feitos en prata, e dixo que logo da súa análise, probablemente poida obterse unha información moi interesante.
Nota da Redacción de Infogauda:
Información publicada: 31.03.2019
Actualizada: 01.04.2019
Remate de torques de ouro existente no Museo Arqueolóxico do Monte Santa Trega
Noutro orden de cousas, en decraracions a este cronista, Brais X. Currás avanzou que en breve tres pezas de orbrefería existentes no Museo Arqueolóxico do Monte Santa Trega (MASAT), o remate de torques de ouro - que no seu día fora atopado nunha campaña arqueolóxica no poboado Mergelinas - e dous torques de prata, van ser analizados para tentar de coñecer as trazas da súa procedencia.
O Dr. Brais X. Currás salientou á importancia dos torques, nomeadamente os que foron feitos en prata, e dixo que logo da súa análise, probablemente poida obterse unha información moi interesante.
Nota da Redacción de Infogauda:
Información publicada: 31.03.2019
Actualizada: 01.04.2019
Ningún comentario:
Publicar un comentario