A XVI ANDAINATUDENSE SOLIDARIA CELEBRARASE EN MAIO
Andatui Regodapedra / Tui
Desde o club Andatui comunicamos que a XVI Andainatudense Solidaria 2019 celebrarémola o sábado 18 de maio.
Cita anual que, por diversos sendeiros, aproveitamos para dar a coñecer un pouco máis o Parque Natural do monte Aloia.
Partindo desde o centro Interfederado, a carón do río Miño, achegarémonos ata o Aloia recorrendo camiños de Areas e Randufe, para xantar o redor da capela de san Xiao sobre ás 14:00 horas. A baixada do monte farémola cara a Rebordáns para enlazar co camiño Portugués hacia Tui, pasando polo mosteiro das Clarisas, a Catedral e o parque do Penedo, para chegar de novo o centro Interfederado, onde como é costume celebraremos a tradicional chourizada, xogos populares, sorteo de agasallos, etc.
Toda a información e formulario de inscrición pódese atopar no seguinte enderezo: www.andatui.es
Ningún comentario:
Publicar un comentario