DEPORTES

REMO ERGÓMETRO

DAMIÁN E ÓSCAR ALONSO ALONSO, PARTICIPARÁN NO  CAMPIONATO DO MUNDO DE REMO  ERGÓMETRO

  

· Que se disputará o próximo día 24 de febreiro de 2019 en Long  Beach ( California) EE. UU.   

Na imaxe de arquivo, os irmáns Damián e Óscar Alonso Alonso nunha competición internacional precedente

Foto: F.

Infogauda / Deportes

 A Federación Mundial de Remo (FISA), en asociación con Concept2, USRowing e a Asociación de Remo de Long Beach, é, neste 2019, sede do segundo Campionato Mundial de Remo  Ergómetro e do Campionato Nacional de Remo de  Ergómetro inaugural de EE.  UU. que se celebrarán o día 24 de febreiro de 2019 na  Walter  Pirámid, de Long Beach (California).   

 Desde A Guarda, os irmáns Damián e Óscar Alonso Alonso, acudirán a ese evento deportivo internacional no que participarán 2.500 dos mellores deportistas de remo  ergómetro de 33 países de todo o mundo.   

 Como dixo Damián Alonso, logo do “último duro adestramento en España”, antes de comezar a viaxe rumbo a Los Ángeles: “Unha nova aventura, un novo Campionato do Mundo, unha nova cidade. Expectativas altas, como sempre, pero só o domingo sairemos de dúbidas”.

 E dirixíndose a seus compañeiros de expedición Marcos César Morales e Óscar Alonso Alonso, dixo: “Hai que traerse algunha medalla, eh!”.