CULTURA
Ciclo de Música Coral
· Este sábado día 16 de febreiro de 2019, ás 20:30 horas, no Centro Cultural da Vila
Infogauda / A Guarda
O vindeiro sábado día 16 de febreiro arranca no Centro Cultural de A Guarda o Ciclo de Música Coral, contando nesta edición coa participación do Coro Diapasón de Ferrol, o Coro Arpegios de A Guarda, e o Coro Cantábile de A Guarda.
A cita será ás 20:30 horas no salón de actos do Centro Cultural con entrada de balde.
Dende a Concellería de Cultura convídase a toda a cidadanía a asistir a este concerto e gozar da música coral, cun repertorio moi variado no que se mesturan as cancións galegas con cancións moi afamadas e coñecidas por todos de artistas e bandas coma os Beatles ou tamén temas clásicos.
CORO CANTÁBILE
O Coro Cantábile é un grupo de canto coral de persoas de diferentes idades. Nace no ano 1986 como Coro da Catequese para máis tarde pasar a chamarse Coro Arpegios, primeiro infantil e despois xuvenil de voces mixtas. Durante a súa traxectoria percorreron varios lugares de España (País Vasco, Barcelona, Madrid,…), Portugal e Francia, acadando un gran nivel grazas ao esforzo e adicación, polo que teñen recibido premios en concursos de Galicia e outras cidades de España. Asemade contan con dous traballos discográficos “Canto A Guarda” e “XX años cantando”, baixo a dirección de José Luis Lorenzo Rodríguez.
Case o 100% do seu repertorio foi composto ou arranxado por José Luis Lorenzo Rodríguez destacando obras inéditas premiadas nos años 1995, 1997 e 2002 no “Festival de Villancicos de Caixanova de Vigo”.
No ano 2007 asume a dirección Lucía Alonso Castro, realizando unha labor de continuación ata o 2016, ano no que toma a batuta Avelino Ferreira López.
Do coro inicial formáronse as dúas agrupacións actuais, Arpegios como coro infantil e Cantábile, que seguen promovendo a cultura musical e o canto coral baixo a dirección de Avelino Ferreira López.
CORO DIAPASÓN
O Coro Diapasón nace en Ferrol no ano 2010 a partires dun obradoiro de música coral contemporánea, debutando no ano 2011 e facendo concertos dende ese ano ao longo da xeografía galega e tamén no resto de España baixo a dirección de Juan M. Brage Rabina.
Ningún comentario:
Publicar un comentario