OIA

OS SOCIALISTAS DE OIA LANZAN UNHA WEB PARA RECOLLER AS INQUEDANZAS DA VECIÑANZA 

• A través dela os oienses poderán coñecer e aportar ideas e propostas ao programa do PSdeG para o Concello 

Infogauda / Oia

 A Agrupación Socialista de Oia vén de lanzar unha nova páxina web na que as veciñas e veciños do municipio poderán coñecer de primeira man o proxecto co que o partido quere concorrer ás proximas eleccións: www.socialistasoia.com 

 Do mesmo xeito, as e os socialistas queren que a plataforma se convirta tamén nunha canle “para establecer unha comunicación directa” coa veciñanza da vila, buscando artellar entre todos “un modelo de municipio igualitario desde a diversidade, inclusivo” e que se achegue a “un modelo de convivencia que soubemos construír e que non podemos deixar que se perda”. 

 A web consta con varios apartados dedicados a cadansúa área de goberno e interés, así como cun formulario de contacto a través do cal se poden deixar suxerencias e consultas.