A GUARDA

FOTOGRAFÍA

Mellores imaxes do ceo galego, 2018

O fotógrafo José Carlos Castro Martínez, de A Guarda, acadou o 2º premio na categoría sen telescopio

"Lóstregos na Guarda"

Autor: José Carlos Castro Martínez

Infogauda / A Guarda

 Na tarde de onte tivo lugar na sala TurCastrelo, do Parque Náutico de Castrelo de Miño (Ourense), a gala anual de entrega de premios Ceos Galegos, 2018.

 de acordo co resultado da votación popular, na categoría imaxes sen telescopio, o primeiro premio foi para a fotografía "Reflexions marcianas na illa de Sálvora", de Ángel D. R. Arós.

 O segundo premio foi para "Lóstregos na Guarda", de José Carlos Castro Martínez.

 E o terceiro premio foi para "A consagración da Lúa", de Fins Eirexas.

 Polo que respecta á fotografía premiada de José Carlos Castro Martínez, de A Guarda, a descrición é a seguinte: Unha soa toma de 30 segundos de exposición que captou unha chea de lóstregos durante a tormenta de comezos de setembro. En primeiro plano a Atalaia, sé do museo do Mar, da Guarda (Pontevedra).

 Categoría: imaxes “con telescopio”

 Primeiro premio: "A nebulosa Corazón desde Arzúa" de Miguel Sánchez Varela. 

 Segundo premio: "A galaxia Andrómeda (M31) desde as Louseiras" de Marcos López Alonso. 

 Terceiro premio: "A nebulosa da Aguia desde Castiñeiras" de Marco Antonio Vilar. 

 Categoría: mellor foto #NubesGalegas18.  

 "A Coruña desde Seixo Branco" de @UxiaShinigami