A GUARDA

XII Gala do Deporte 

A judoka guardesa Tecla Cadilla Acevedo será a madriña dese evento

· Que se celebrará o venres día 15 de febreiro, ás 20:30 horas, no Centro Cultural

 

A judoka guardesa Tecla Cadilla Acevedo será a madriña da XII Gala do Deporte

Foto: C.A.G.

Infogauda / A Guarda

 O Centro Cultural da Guarda será o escenario o venres día 15 de febreiro da gran festa do deporte guardés coa celebración da XII Gala do Deporte.  

  A gala, que comezará ás 20:30 horas no Centro Cultural, estará presentada polo xornalista Terio Carrera, e a judoca do Clube Deportivo Baixo Miño, Tecla Cadilla Acevedo, amadriñará ese evento deportivo.

  Nesa gala recoñeceranse os logros e méritos deportivos acadados durante o pasado ano polos deportistas, os clubs e as entidades deportivas de A Guarda, poñendo así en valor o traballo, o esforzo e o compromiso das numerosas persoas que forman parte do ámbito deportivo local. 

 Como nas edicións precedentes, a XII Gala do Deporte están convidadas todas as asociacións, clubs e deportistas individuais de A Guarda, así como todas aquelas persoas que desexen achegarse e participar na xornada de celebración e xuntanza do deporte guardés.