A ASOCIACIÓN CULTURAL E DEPORTIVA XUNTANZA ORGANIZA UNHA AULA ABERTA DE CAPOEIRA
· O próximo sábado, 29 de decembro de 17:00 a 19:00 horas
ACD Xuntanza / Randufe
O próximo sábado, 29 de decembro de 17 a 19:00 horas na nosa Casa Cultural celebrarase unha aula aberta de Capoeira.
Aberta a tódolos públicos e totalmente de balde. Non é preciso inscrición.
A capoeira é unha arte marcial afro-brasileira cun forte compoñente cultural, musical e histórico.
A aula terá unha parte de exercicio físico na que aprenderemos o paso básico que aproxima á danza e tamén algunhas patadas e floreos. A outra parte será para cantar, coñecer e tocar os instrumentos típicos da capoeira (atabaque, pandeiro, agogó e berimbao).
So é preciso levar roupa cómoda, algún líquido para hidratarse e gañas de pásalo ben.
Ningún comentario:
Publicar un comentario